CHIOS

CHIOS
insula maris Aegaei nobilissima, inter Samum et Lesbum est, quam sic vocatam volunt de nomine Nymphae, quae ob insignem candorem Chione nuncupabatur: olim Aethalia, Aethale, Macris, et Pityusa dicebatur: nunc autem vulgo Chio vel Scio, Turcice Saches, vel Saquezada, a mastiche, Persice dicitur Sechex, distat ab Ionia, minoris Asiae regione, fretô maris, quod 10. milliar. iuxta antiquos complectitur, multis scopulis refertô: at receutiores scribunt tantum quatuor: circumnavigationem habet 124. milliar. vel ut alii dicunt, 20. Est magis longa quam lata, longitudoque a Meridie in Septentrionem porrigitur: tota montibus et collibus attumulatur, ad Occasum praecipue ac Septentrionem arboribus referta, multisque torrentibus irrigua. In duas autem partes divisam esse a modernis comperitur, in Superiorem, quae Apanomera Graecâ voce dicitur, ea ad Occasum et Boream est; et in Inferiorem. Catomorea vocatam alteri oppositam. Apanomera montibus aspera est, et arboribus consita, vallibus umbrosis intermixtis, aquisque irrigatur: in hac permulti sunt pagi ac oppida, tum in ipsis montibus, tum etiam in vallibus. In Catomorea vero colles potius, quam montes sunt, in quibus lentisci arbores mirâ
industriâ ac diligentiâ coluntur, a quibus laudatissima mastix gomma colligitur, toti Europae subministranda, ex qua incolae proveutum circiter 20. millium aureorum percipiunt. Hodie enim sola haec insula mastichem mittit. Optimum illic vinum provenit, sed praecipuum Arvisium, quod in Arwisio promontor. aspero ac importuoso loco, 300. stadior. spatiô nascitur . A' quo Arvisia vina. Lucan. l. 8. v. 195.
Quas Asiae cautes, et quas Chios asperat, undas.
Hinc surculos translatos in Cretam insulam ferunt. marmor Chium laudatur a Plin. l. 5. c. 31. quod in Pellenio praecelsissimo omnium monte nascitur. Sunt in hac insula 36. circiter oppida: item templum Apollinis, qui inde Chius appellatur. Urbs autem Chia primaria est, quae olim in montis vertice erat, sed hodie iuxta littus, ad montis radices translata, Orienti opposita est, Natoliam spectans. A' Turcis et Iudaeis habitata, Latinis et Graecis suburbia incolentibus. Optimum habet portum, licet angustum, maiores naves anchoras in ipso canali iaciunt, sed portum non ingrediuntur. Navale hîc olim erat 80. navium: nam Chii antiquitus classem habuerunt, marisque imperium ac libertatem sibi vendicaverunt. Sunt qui quadrigeminam Chium esse putant, ut prima sit Chios insula, secunda Cariae urbs, tertia in Euboea, quarta in Cher roneso Rhodiotum iuxta Triopium. Fuit haec insula olim sub A theniensibus, Macedonibus, Romanis, Graecis. Hodie Turcae tributaria, ei in singulos annos duodena ducatorum milia pendit, cum eius dominium ante illos tenuissent Mahones, primarii nobiles ex Iustiniana familia Patricia Genuensi, (Genuensibus enim donata fuit ab Andronico Palaeologo Imperatore, A. C. 1346). a qua gubernata fuit ad annum usque A. C. 1566. quô Solimannus, per Bassam Piali, eam sibi fraudulenter subiugavit. Ferunt in hae insula else Homeri sepulchrum, in oppido pervetusto, in monte D. Heliae, sito ad occiduam insulae partem, sed alii id aliô locô esse contendunt. Hîc orti sunt Tragicus, Theopompus Historicus, Theocritus Sophista; alii dicunt Homerum hîc in lucem editum, vestigiaque eius sepulchri hîc videri. Ab occidua insulae Chios parte, est Psyra insula exigua, quae hodie Psara vocatur. Metel. Beniamin Hicha insulam hanc nominat, ut ex masticis historia, quam describit, colligere licet. Porro vinum Chium laudat Horatius, l. 1. Serm. Sat. 10. v. 23.
---- At sermo linguâ concinnus utraque
Suavior, ut Chio nota si commista Falerni est,
Et l. 2. Sat. 3. v. 115.
Si positis intus Chii, veterisque Falerni
Mille cadis. ---- ----
Ficubus etiam nobilis olim Chios, Martial. l. 7. Epigr. 30. v. 2.
Et flavas medio vapore Chias,
Et eiusdem l. Epigr. 24. v. 7.
Infanti melimela dato, fatuasque marisca,
Nam mihi quae novit pungere, Chia sapit.
Pungere dixit, propter non ingratam aciditatem, quâ vini, salisque saporem quodammodo refert. Unde in Xeniis, l. 13. Epigr. 23. sub lemmate Chia Ficus,
Chia seni similis Baccho, quem Setia mittit:
Ipsa merum secum portat et ipsa salem.
Calpurnius, Ecl. 2.
Mille rendenti dabimus tibi cortice Chias,
Castaneasque nuces totidem.
De terra Chia, quae Samiae instar candet, inque medicaminibus locum habet, Dioscorides, l. 5. c. 101. et Plin. l. 35. c. 16. De nomine Bochartus, l. 1. Chanaan, c. 9. A serpente (inquit) tota insula Chia, vel Chios dicta. (de serpente autem isto plura alibi; vide Pelinnaeus) Syris Chivia serpentem sonat, cuius (v) consonum a Graecis est necessario omilsum, ut in Ι᾿άω ex Javo Dei nomine tetragrammato. Serpentem autem a longaevitate Syri sic vocant, quia senectutem quorannis exuere creditur. Horus Apollo, l. 1. c. 2. Καθ᾿ ἕκαςτον δ᾿ ενιαυτὸν τὸ γῆρας ἀφεὶς ἀποδύεται. Virg. l. 2. Aen. v. 473. De serpente,
Nunc positis novus exuviis, nitidusque iuventâ.
Stat. l. 4. Theb. v. 97.
---- Liber seniô et squalentibus annis
Exutus, laetisque minax interviret herbis.
Plin. l. 8. c. 27. Anguis bybernô situ membranâ corpori obductâ, faeniculi succô impedimentum illud exuit, nitidusque vernat. Theophylact. in c. 10. Matth. Ο῾ ὄφις ςτενῇ τινὶ ὀπῇ περισφιγγόμενος καὶ διεξερχόμενος ἀποδύεται τὸ παλαιὸν δέρμα. Sed haec obiter. Nic. Lloydius. Vide Bellon. l. 2. observ. c. 8. Ortelium, Geogr. Miraeum, Geogr. Eccl. etc. ut et in Chius.

Hofmann J. Lexicon universale. 1698.

Look at other dictionaries:

  • Chios — Χίος Satellite image of Chios Location …   Wikipedia

  • Chios — Χίος (el) Carte topographique de l île Géographie Pays …   Wikipédia en Français

  • Chios —   [ç ], türkisch Sakɪz Adasɪ [ sakəz ada sə], griechische Insel im Ägäischen Meer vor der Westküste Kleinasiens, 842 km2, 51 100 Einwohner. Im Norden (bis 1 297 m über dem Meeresspiegel) auf mesozoischen Kalksteinen und Schiefern nur spärliche… …   Universal-Lexikon

  • Chios — • One of the Sporades in the Ægean Sea Catholic Encyclopedia. Kevin Knight. 2006. Chios     Chios     † …   Catholic encyclopedia

  • CHIOS — Grande île de forme allongée située au large de la côte d’Asie Mineure, face à Érythrées, et réputée dans l’Antiquité pour la fertilité de ses vignobles. Elle fut occupée par les Grecs au moment de la grande migration ionienne et connut un rapide …   Encyclopédie Universelle

  • CHIOS — (Turkish, Sakis Adassi), Greek Aegean island off Asiatic Turkey. Jewish settlement dates back to the Hellenistic period. According to Josephus, Jews lived in Chios in ancient times (Ant., 14:112–3). During the reign of the Byzantine emperor… …   Encyclopedia of Judaism

  • Chios [2] — Chios (Gesch.), Ch. angeblich nach dem Heros Chios, einem Sohn des Apollo, benannt, sonst auch Makris, war früher von tyrrhenischen Pelasgern bewohnt. In der mythischen Zeit kam Önopion von Kreta nach Ch. u. wurde hier Herrscher; sein Grabmal… …   Pierer's Universal-Lexikon

  • Chios [1] — Chios, 1) (a. Geogr.), Insel des Ägäischen Meeres, nahe an der asiatischen Küste, zwischen Samos u. Lesbos, 131/2 (24) QM. groß, mit dem Hafen Phanä, in der Nähe des Letzteren der Ort, wo Homer seine Sängerschule gehalten haben soll; steinig u.… …   Pierer's Universal-Lexikon

  • Chīos — (türk. Sakiz Adasi, »Mastixinsel«), türk. Insel im Ägäischen Meer, südlich von Lesbos, durch eine 7 km breite Straße von Kleinasien getrennt (s. Karte »Griechenland«). Die 827 qkm große Insel ist von Bergen durchzogen (darunter im N. der St.… …   Meyers Großes Konversations-Lexikon

  • Chios — Chios, türk. Sakys Adassi, türk. Insel im Ägäischen Meer, 827 qkm, ca. 59.600 E. (meist Griechen), im Hagios Ilias 1264 m hoch, sehr fruchtbar; Hauptstadt C. oder Kastron (13.000 E.); Hafen. – Vgl. Pernot (Par. 1903) …   Kleines Konversations-Lexikon

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.